Plantun de Prouvènço

Pèr coumpara dos planto d'encò nostre

Juncus gerardi & Briza media

Juncus gerardi

Juncaceae

Nom en français : Jonc de Gérard.

Descripcioun :
Aquéu jounc es uno planto renadivo emé de long rizoumo. Trachis dins li prado e pelouso umido, pulèu richo en sau e pas trop liuen de la mar. Fai uno pelouso gaire sarrado. Èi proche de Juncus compressus e coume éu si tepalo soun emé un bout redoun. Se destrìo pamens que si tepalo, longo de 3 à 3,5 mm, soun bruno e mai sourno sus li bord. Lou fru madur li despasso de mens de 1 mm e la brateolo èi peréu bruno. Coumpara emé lou joun-di-cambo-plato que ié sèmblo proun .

Usanço :
Couneissèn pas d'usanço particuliero pèr aquelo planto. Escriéure au site se n'en sabès mai.

Port : Erbo
Taio : 20 à 60 cm
Fueio : costo paralèlo
Tipe bioulougico : Emicriptoufite
Cicle bioulougico : Planto renadivo

Gènre : Juncus
Famiho : Juncaceae

Ordre : Poales

Coulour de la flour : Brunello
Petalo : 6
Ø (o loungour) enflourejado : 3 à 10 cm
Flourido : Printèms - Estiéu

Sòu : Ca
Autour basso e auto : 0 à 900 m
Aparado : Noun
Mai à juin

Liò : Prado umido - Pelouso emé sau
Estànci : Termoumediterran à Mesoumediterran
Couroulougi : Bourealo
Ref. sc. : Juncus gerardi Loisel., 1809

Amoureto

Briza media

Poaceae Graminaceae

Àutri noum : Erbo-d'amour, Tramblanto, Pan-de-passeroun, Erbo-tremblanto, Pan-de-tourdre.

Noms en français : Amourette commune, Brize intermédiaire.

Descripcioun :
Vaqui la mai coumuno de nòstis amoureto que trachis en mato dins li bos clar, li pelouso e prado de colo fin qu'i mountagno mejano. Èi bèn poulideto aquesto amoureto que tremblo à cado boufet de ventoulet. Èi la souleto renadivo. Se recounèis à sis espigueto de mens d'un cm de long e à sa pichoto lengueto. Coumpara emé la pichoto-amoureto que ié sèmblo proun.

Usanço :
Lis enfant manjavon à passa tèms lis espigueto (pan-de-passeroun).

Port : Erbo
Taio : 15 à 70(100) cm
Fueio : costo paralèlo
Tipe bioulougico : Emicriptoufite
Cicle bioulougico : Planto renadivo

Gènre : Briza
Famiho : Poaceae
Famiho classico : Graminaceae

Ordre : Poales

Coulour de la flour : Vióuleto
Petalo : ges
Ø (o loungour) enflourejado : 60 à 80 mm
Flourido : Printèms - Estiéu

Sòu : Ca
Autour basso e auto : Pancaro entresigna
Aparado : Noun
Mai à juliet

Liò : Prado umido - Bos clar - Pelouso
Estànci : Mesoumediterran à Subaupen
Couroulougi : Éurosiberiano
Ref. sc. : Briza media L., 1753

Partisoun en Prouvènço : CCC à C : mai o mens coumuno ; R à RRR : pulèu o forço raro ; "ges" dins aquéu relarg.

CCC

Juncus gerardi & Briza media

ges

Coumpara Jounc(-de-Gérard) emé uno autro planto

Coumpara Amoureto emé uno autro planto